SAKU SAKU CABIEAK..
Kapa balayiea yo nan kapulau
Ombak gadang ditampueahnyo
Duya bamuliea yo nan di risau
Sanak berang rusueah diambo
Urang kaladang pagi hari
Batanam ubi nan jo pisang
Sanang girang hati kami
Paham dihati nan nyo lapang
Galok hari bantueak ka hujan
Cameh urang ka manjamuea
Tasirok hati tarumueak kawan
Ciloteh tatueang ka nanmujuea
Bajalan urang balapeh panek
Dudueak sabanta di balai balai
Pasan datang dibaleh singkek
Dunsanak semua lai di denai
Teh taluea di minum pagi hari
Dudueak di lapau sambiea carito
Jaleh mujuea di rangkum hati
Dunsanak di imbau biea basamo
Dalam laueaik ndak diranangi
Tinggi gunueang yo di pandang
Bagumam tarumik nak ditangisi
Hati bingueang yo di bueang
Galodo tibo urang takajueak
Hari pahujan nan nyo kini
Taibo kito sanang tasurueak
Hati di kawan nan nyo kami
Beko ulang lieak
0 Komentar